Guddoomiyaha Baarlamaanka Puntland oo mudo afar cisho ah ku sugan magaalada Garoowe ee xarunta Puntland ayaa maanta Saxaafada warbixin ka siiyay kulamada Baarlamaanka ee maalmahan ka socday Puntland, isagoo sheegay in ajandayaasha kulanka looga hadlayey malmahan ay ugu horeeyeen Xeerka siyaasadda biyaha iyo dastuurkii dhawaan golaha xukuumadda ansixiyeen, wuxuuna sheegay in Baarlamaanka uu horyalo dastuurkaasi.Axmed Cali Xaashi ayaa sheegay in ka doodista dasturka ay u baahan tahay in Xildhibanada ay ka baaraan degaan iyadoo ka doodistiisa qodobada ay bilaabaneyso 21-ka bishan, sidoo kalena wakiiladu beri go'aan ka qaadan doonan xeerka siyaasadda biyaha.Radio Garowe